Hello, I am George Junior！

話說發現近日屋企多了條細佐治。牠雖然細小，但作為懼怕空中的鳥，地上的獸及水裡的魚加上一切昆蟲及不知名物體的「乜都驚達人」，牠隨便的一個閃身就讓我驚餐飽。

記得當年還住在大學宿舍，一天晚上發現佐治探訪，平常極

有邏輯兼思辯敏捷的同房M突然道：「阿媽話佐治如果嚇到甩尾，佢條尾入咗耳會整聾人架！」而我，當然只有驚慌的份兒。物以類聚，那天晚上我倆竟然嘗試用食指塞住耳窿睡覺，以防備不知為何要甩尾的佐治。怕來怕去，凌晨不知幾點才勉強入睡。當然，一覺醒來，食指仍然在手掌上，就是沒有好好保護兩個耳窿。

家裡無端多了條佐治，撲滅大使父親大人不在家，哥哥又驚埋一份，唯有求教何家的金牌殺手──師奶家姐。「家姐！我發現屋企好似多咗條細嘅佐治呀！」「哦，咁梗係......」我緊張得馬上放下手上的抺布，認真望著家姐救教。雖相傳佐治是食蚊的益蟲，但除了人以外在我家裡有曉行曉走曉夜行的生物，只有Edward可以列入考慮之列，其他一律都不受歡迎。

「咁梗係....生咗bb啦！」
「吓？」呢個答案係咪太爆呀？
「你唔係教我點趕走佢架咩？」我問。
「點整走呀？我搬屋果陣就以為我脫離咗舊屋嘅佐治啦，點知係新屋又見返佢。早排我又見多一條喎，依家又多咗一條細嘅，變成一家三口呀！」家姐毫不驚訝地介紹她家裡的新成員。

咁點呀，我係咪應該同我屋企條佐治講恭喜晒呀？