請 ‧ 對號入座

「...不如你養埋我啦！」
「果度有隻窗，不如你係度跳落去啦！」

「我有時會係旺角蕩失路。」
「旺角都蕩失路？你係咪香港人嚟架？」

「如果我一陣忍唔住出去大把大把咁車阿邊個，你唔好拉住

我。」
「放心，我一定唔會。」
「咁如果佢地報警，你會唔會幫我做人証，話我平時唔係咁架？」
「我一定會。我一定會話你平時好溫文，依家一定係發咗癲。癲咗可能唔駛坐監架！哈哈哈哈哈......」

「如果我一陣忍唔住出去大把大把咁車阿邊個，你唔好拉住我。」
「可能佢都咁諗呢。」
「所以我應該先發制人。」

「...我最憎就食呢d野。」
「呢個世界你有咩係鍾意架！」

「你唔覺你好煩架咩？」
「唔覺呀。人地覺得之嘛。」
「好在你有自知之明。」
「係你無先見之明啫。」

「......我決定將行動升級！」
「即係點呀？」
「即係見住阿邊個去果度我就特登唔去，由得佢一個人感受孤獨嘅滋味！」

sell橋前
「你唔俾橋我又點知我無錢做呢？」
sell橋後
「你明知我無錢做，做咩sell d咁嘅橋俾我？」

「我要搵個台灣仔結婚攞居權。」
「係香港搵個台灣人，你個地點係咪錯咗呀？」
「係香港都搵唔到香港人啦。」
「照咁推論落去，你去台灣都幫唔到手喎，不如慳返。」

「我想發展攝影嘅興趣。」
「你想發展『亂影』嘅興趣比較似喎。」

「咪再同我講耶穌啦，都唔關我事。」
「咁聖誕復活節假你記住返工呀！」

「佢咁衰，我唔會請佢食野架！我頂多係printer攞疊紙過佢食。」
「咁絕？」
「最重要係攞都要攞recycle paper。」

「不如約廿六號打邊爐呀？」
「今個月呀？」
「唔通我約你下個月？咪以為自己做event出身就懶係有planning喎，你個schedule滿啦咩？」

「其實我真係好開心身邊有咁多朋友結婚。不過......」
「不過你恨呀？」
「不過佢地結都好心商量下，分散d呀！一個月幾單真係好鬼甘。」

「你好鍾意台灣人咩？有台灣男人打老婆架！」
「夠有香港老婆打老公啦。無所謂。」
「咁又係。但你無所謂啫，咁人地有架嘛！」

「如果今日唔駛返工就好啦！」
「如果你瞓醒咗先返工就好啦！醒啦你！」