外貌協會

與友人一同看《新月傳奇》，然後一起晚飯替M慶生。席間

我 忽發奇想，問：「如果你男友係吸血彊屍，咁你會唔會好驚 呀？」
M與K異口同聲道：「梗係。」
「咁你地即係會揀Jacob?」
「梗係唔係！一定揀Edward！」她們口徑一致。
「吓，你地又話驚嘅？」
「係，但一係人狼一係彊屍，都係唔正常架啦，梗係揀個靚仔架 啦！」M道。
K梗誇張：「唔駛諗啦，一定係揀靚仔。」
「原來你地都係外貌協會架喎！」
「你唔係？」M問。
「我係呀。」
Welcome to 外貌協會。

M：「講開又講，你唔講返我都唔知個男主角叫Edward， 都好似無咩叫佢個名。」
我答：「下，成場都有叫佢喎。」
M：「我掛住睇靚仔，無留意。」
K道：「我地真係唔夠你嚟，我地拱手相讓個會長俾你做，我做 副會長。」
咁我唯有做秘書。

我道：「我覺得今集精彩好多，起碼有d打鬥場面。我好鍾意睇 佢地成班彊屍係度跑，跑得好快好型。」
M：「你自己返去開隻VCD，之後fast forward咪得囉。你鍾意邊個跑都有呀！」
bear十聲。

我：「其實我覺得Jacob都ok靚仔呀！」
K：「下，邊度靚仔呀？」
我：「我覺得佢笑起上嚟都OK呀.....嗯......啲 牙又白。」
M：「咁你同支黑人牙膏拍拖啦。」
我：(勁淆底)「我都係講下啫......」

另，話說剛換了新手機的我，放了五月天阿信的照片作手機wallpaper。 那是一張阿信戴著粗框鏡的照片。遞給K看時，我 道：「其實我好鍾意阿信戴眼鏡個樣，我覺得好好睇。」
K：「咁你返去將佢啲相用photoshop加副鏡上去囉！」
我怒睥K。
醒目的M對K說：「你係咪唔識個死字點寫？」
額角冒汗的K嘗試轉移話題：「其實你頭先有一張五月天嘅合照 好靚，不如你send俾我。」
我揚眉地答：「好，等我返去cut鬼晒你最鍾意嘅冠佑，剩返 四個咪send俾你囉。」
K：「我都知有報應架啦，估唔到嚟得咁快！」
哼，駛咩講！