快樂的十五種方法

友人問及自我治療失落的方法，特此公閞。

1. 祈禱。求神的喜樂常與我同在。

2. 聽五月天演唱會。 唔駛解釋！

3. 去台灣旅行。都唔駛解釋！

4. 聽歌。聽到啱feel的歌就開大個喇叭炸機至滿腦音樂為止。

5. 煲湯。最好洗瓜切菜有咁複雜得咁複雜攪半天，然後迫家人朋 友飲晒為止並大聲讚好。

6. 執屋。把所有雜物廢物一切唔順眼的物品丟掉，然後大條道理 購買新的物品。

7. 駕車。流放在外時駕車上山；現為道路安全到機舖鍊車。

8. 食薯片。尤其是熱浪，skip正餐並以食到第二日喉嚨痛至 務必看醫生為目標。

9. 睡覺。預先警告各人「嘈醒我者死」，然後倒頭大睡。

10. 看戲。無笑片就睇喊片，唔笑死都要喊返夠本。

11. 逛書局。讓平靜的環境安撫怒氣、琳瑯滿目的書藉分散注意力。 然後捧本好書回家認真閱讀。

12. 睇雜誌。以有咁八得咁八的雜誌為佳，然後與同自己咁上下八 的友人討論。

13. 購物。正所謂財散人安樂。當然買到平靚正的物品會事半功倍。 這招不能常用，因怕月尾找咭數時會重覆跌入失意的循環。

14. 找個無論如何都會原諒自己的朋友鬧爆，施施然道歉後並肩回 家。這招也不能常用，因為朋友們通常都以鬧爆回敬，然後屈我 請食飯。

15. 剪頭髮。由於頭髮唔剪得幾多次，此招通常留到最忟最低谷時 才用。